रौतहट प्रहरीले ठुलो परिमाणमा लागु औषध गाँजा बरामद गरेको छ । विशेष सूचनाको आधारमा चलाइएको जाँचबाट प्रहरीले ठुलो परिमाणमा आज लागु औषध गाँजा बरामद गरेको जनाएको छ । प्रहरीका अनुसार जिल्लाको गरुडास्थित झाझ खोला नजिकबाट प्रहरीले नेपाली नम्बरको ब्रेजा कारबाट आज गाँजा बरामद गरेको हो ।
चन्द्रनिगाहपुरबाट गौरतर्फ आउँदै गरेको ग३च ६८९६ नम्बरको ब्रेजा कारबाट प्रहरीले लागु औषध गाँजा बरामद गरेको जानकारी दिएको छ । इलाका प्रहरी कार्यालय गरुडाको टोलीले जाँच गर्न कार रोक्न खोज्दा कार चालकले गाडी लिएर भाग्न थालेपछि प्रहरीले पछ्याउँदै जाँदा गाँजा बरामद गरेको हो ।
उनका अनुसार ब्रेजा कारमा लागु औषध लिएर सदरमुकाम गौरतर्फ जाँदै गरेको सूचना गरुडा प्रहरीमा आएको थियो।
त्यही सूचना अनुसार जाँच गर्दा प्रहरीलाई सफलता मिलेको उनको भनाइ छ ।
