इटहरी । आठौं अन्तर्राष्ट्रिय आमन्त्रित भरौल गोल्डकप फुटबल प्रतियोगिता द योङ ब्रदर्स क्लब इटहरीले जितेको छ। योङ ब्रदर्सकाे संघर्षपूर्ण खेलमा नेपाल पुलिस फुटबल क्लबसँग गोलरहित बराबरी खेल्दै टाइब्रेकरमा ३-१ को जित दर्ता गर्यो।
उपाधि जित्ने क्रममा योङ ब्रदर्स क्लबले नगद ४ लाख रुपैयाँ, ट्रफी र मेडल प्राप्त गर्यो । उपविजेता नेपाल पुलिसले नगद २ लाख रुपैयाँ, ट्रफी र मेडलमा चित्तबुझाउनु पर्याे ।
पुरस्कार वितरणमा बराहक्षेत्र नगर प्रमुख रमेश कार्की,काेशी प्रदेश फुटबल सङ्घका अध्यक्ष किशोर राई, धावक आशाराम चौधरी लगायतको उपस्थित थियाे ।
प्रतियोगिताका सर्वोकृष्ट खेलाडी द योङ ब्रदर्सका प्रवेश दनुवार घोषित भए, उनलाई नगद २५ हजार रुपैयाँ प्रदान गरियो।
खेलकाे म्यान अफ दि म्याच योङ ब्रदर्स क्लबका मौसम लिम्बू घाेषित भए उनले नगद दश हजार प्राप्त गरे। त्यसैगरी उत्कृष्ट गोलकिपर विश्वास चौधरी, उत्कृष्ट डिफेन्डर सबिन घिमिरे र उत्कृष्ट प्रशिक्षक पनि याेङ ब्रदर क्लबकै विमल मगर घाेषित भए । उनिहरुले जनही दस हजार प्राप्त गरे ।
नेपाल पुलिसका प्रवीण थापा र विवेक पाण्डे क्रमशः उत्कृष्ट मिडफिल्डर र स्ट्राइकर बने उनिहरुले पनि जनही दस हजार प्राप्त गरे ।
प्रतियोगिताको औपचारिक कार्यक्रममा बोल्दै प्रमुख अतिथि रमेश कार्कीले नगरले खेलकुदको विकासमा सहयोग गर्ने प्रतिबद्धता व्यक्त गरे।
कोशी प्रदेश फुटबल सङ्घका अध्यक्ष किशोर राईले नगरको बजेटको ५ देखि १० प्रतिशत खेलकुदका लागि विनियोजन गर्न आग्रह गरे।
प्रतियोगिताको आयोजनामा न्युस्टार क्लबका अध्यक्ष भेषराज कार्कीको नेतृत्वमा कार्यक्रम सम्पन्न भएको थियो।
