देशै भरि आज शुक्रबार आदिवासी जनजाती दिवस मनाई रहँदा इटहरीमा पनि झाँकि सहितको र्याली निकालि विभिन्न कार्यक्रम गरि आदिवासी दिवस मनाइएको छ ।र्यालीले इटहरी नगर परिक्रमा गरेको थियो आदिवासी दिवस प्रत्येक वर्ष अगस्ट ९ मा विश्वभर मनाइन्छ, जसको उद्देश्य आदिवासी समुदायहरूको अधिकार, पहिचान, र सांस्कृतिक विविधताको संरक्षण र प्रवर्द्धन गर्नु हो।
आदिवासी दिवसले आदिवासी समुदायहरूको योगदानलाई मान्यता दिन्छ र उनीहरूको अधिकारहरूको संरक्षणको लागि आवाज उठाउँछ। यस दिनमा विभिन्न कार्यक्रमहरू आयोजना गरिन्छ जसमा आदिवासी समुदायको कला, संगीत, नृत्य, र परम्पराहरूको प्रदर्शन गरिन्छ ।
त्यसैगरि, काठमाडौंमा भृकुटीमण्डपबाट झाँकीसहितको र्याली निकालिएको छ। दिवसका अवसरमा प्रज्ञा भवनमा कार्यक्रम गरिएको छ।
सन् १९९४ डिसेम्बर २३ को संयुक्त राष्ट्रसङ्घको साधारण सभाले अगस्ट ९ तारिखलाई अन्तर्राष्ट्रिय आदिवासी दिवसका रूपमा मनाउने अवधारणा अगाडि बढाएको थियो।
