ग्रीन टि स्वास्थको लागि धेरै फाइदाजनक पेय हो। यसमा प्रशस्त मात्रामा एन्टिअक्सिडेन्ट्स र बायोएक्टिभ कम्पाउन्ड पाइन्छ, जसले शरीरलाई स्वस्थ राख्न ठूलो मदत गर्छ। ग्रीन टिमा क्याटेचिन्स नामको एन्टिअक्सिडेन्ट हुन्छ, जसले शरीरमा रहेका हानिकारक फ्री रेडिकल्सलाई नष्ट गर्छ र कोषहरूको संरक्षण गर्छ। यसले बुढ्यौलीको प्रक्रिया ढिलो गराउँछ र रोगसँग लड्ने क्षमता बढाउँछ।
ग्रीन टि मेटाबोलिज्म बढाउनका लागि पनि प्रभावकारी मानिन्छ। यसले शरीरले चाँडो क्यालोरी बर्न गर्न मदत गर्छ, जसले वजन घटाउनमा सहयोग पुर्याउँछ। यसमा क्याफिनको मात्रा कम हुन्छ, तर यसले मानसिक सतर्कता र ऊर्जा स्तर बढाउन मदत गर्छ।
यसले मुटु सम्बन्धी स्वास्थ्यमा पनि सकारात्मक प्रभाव पार्छ। ग्रीन टिमा रहेको फ्लाभोनोइड्सले कोलेस्ट्रोलको मात्रा कम गर्छ र रक्तचापलाई सन्तुलित राख्न सहयोग पुर्याउँछ। यसले हृदयघात र स्ट्रोकजस्ता समस्याको जोखिम कम गर्न मदत गर्छ। यसैगरी, ग्रीन टिले ब्लड सुगर नियन्त्रण गर्न सघाउँछ, जसले मधुमेहको सम्भावना घटाउँछ।
यसले पाचन प्रक्रियामा सुधार ल्याउँछ र पेटसम्बन्धी समस्याहरू जस्तै ग्यास्ट्रिक र अपच कम गर्न मदत गर्छ। ग्रीन टिमा एन्टि(इन्फ्लेमेटरी गुण हुन्छ, जसले छालालाई स्वस्थ राख्छ र डण्डिफोरको समस्या कम गर्छ। यसले तनाव कम गर्न र मूड सुधार गर्न पनि सहयोग पुर्याउँछ।
दिनमा २-३ कप ग्रीन टि पिउँदा स्वास्थ्यलाई फाइदा पुग्छ। अत्यधिक ग्रीन टि पिउनु उल्टो असर गर्न सक्छ। त्यसैले, ग्रीन टिलाई स्वस्थ जीवनशैलीको अंग बनाएर सन्तुलनमा पिउनु उचित हुन्छ।
